O presidente da Deputación de Ourense, Manuel Baltar, reuniuse onte no Pazo Provincial co presidente da Confederación de Empresarios de Pontevedra, Jorge Cebreiros Arce, e co vicepresidente e portavoz da Confederación de Empresarios de Ourense, Jose Manuel Díaz Barreiros, para repasar a actualidade empresarial de ámbolos dous territorios. Na xuntanza tiveron a oportunidade de analizar diversos proxectos de interese para o empresariado ourensán e pontevedrés como o corredor atlántico, o campus de Formación Profesional ou as eleccións na Confederación Empresarial de Galicia.