Taller práctico de xustificación de axudas do Igape
A xornada está especialmente dirixida ás empresas con expedientes en fase de execución ou xustificación, así como a aquelas que teñen solicitudes en curso ou participan en programas do IGAPE.
Tes unha axuda concedida… e agora que?
A importancia dunha correcta xustificación na tramitación de axudas públicas
Desde Conecta Ourense convidámosvos a participar no Taller práctico de xustificación de axudas do Igape, que se celebrará o vindeiro mércores, 10 de xuño, ás 10:30 horas, na Asociación de Empresarios do Polígono San Cibrao das Viñas.
Trátase dunha xornada práctica orientada a axudar ás empresas a afrontar con garantías unha das fases máis importantes —e tamén máis sensibles— da tramitación dunha subvención: a xustificación.
Porque a concesión dunha axuda non garante o seu cobramento. Unha xustificación incorrecta pode provocar retrasos, requirimentos, minoracións ou incluso a perda da subvención.
Durante a sesión abordaremos, dunha maneira clara e práctica, os principais aspectos que as empresas deben ter en conta para evitar erros habituais e presentar expedientes sólidos, ordenados e correctamente documentados.
A xornada prestará especial atención á liña Galicia Exporta Empresas (IG622A), unha das convocatorias con maior complexidade técnica e documental no proceso de xustificación.
A sesión será impartida por:
- Laura Almeida Freire – Subdirectora de Liquidacións do Igape.
- Placeres Conde Suárez – Subdirectora de Internacionalización do Igape.
- Mercores, 10 de xuño de 2026
- 10:30 h
- Asociación de Empresarios do Polígono San Cibrao das Viñas
- Inscripción: https://forms.gle/RmvNjBJnjJn47Dqf6
Durante a sesión abordaranse, entre outras cuestións:
- Como evitar riscos?
- Como axilizar o cobramento?
- Que debemos evitar?
- Erros máis habituais na xustificación de subvencións
- Boas prácticas para unha xustificación sen incidencias
- Checklist antes de presentar a xustificación
- Claves para xustificar correctamente
- Caso Práctico da teoría á práctica
APLICACIÓN DOS CONCEPTOS XERAIS Á XUSTIFICACIÓN CONCRETA DA LIÑA IG622A – EXPORTA EMPRESAS GALICIA 2026, UNHA DAS LIÑAS DE AXUDAS MÁIS RELEVANTES PARA A INTERNACIONALIZACIÓN DAS PEMES GALEGAS.
Para resolver calquera dúbida, ou solicitar a programación dunha visita, contacte co equipo de Conecta Ourense da CEO:
Contacta con la CEO
Estamos a tu disposición de lunes a viernes
Enlaces de interés
TE ATENDEMOS EN
- SEDE CENTRAL
- O BARCO
