A sesión informativa sobre a convocatoria Nexos 2025, organizada pola Axencia Galega de Innovación, prevista inicialmente para o 4 de setembro, aprázase ao xoves 11 de setembro de 2025. Celebrarase na sede da Confederación Empresarial de Ourense e está destinada a fomentar proxectos de I+D+i en colaboración entre empresas, centros de coñecemento e outros axentes do sistema galego de innovación.
Durante o encontro analizaranse os requisitos da convocatoria, ofreceranse claves para estruturar unha candidatura competitiva e abrirase un espazo de resolución de dúbidas técnicas. Ademais, a sesión contará coa participación da directora da Axencia Galega de Innovación, Carmen Cotelo Queijo, quen presentará as liñas estratéxicas e prioridades desta edición.
Durante o encontro abordarase como estruturar unha candidatura competitiva, analizaranse os requisitos e criterios da convocatoria e habilitarase un espazo para a resolución de dúbidas técnicas.
Detalles do obradoiro:
Lugar: Confederación Empresarial de Ourense (Praza das Damas, 1, Ourense)
Data: Xoves, 11 de setembro de 2025
Horario: De 11:00 a 12:30 h
