O 28 de setembro de 2005 tivo lugar o acto de firma do Pacto Mundial de Nacións Unidas na sé da CEO polo cal a nosa confederación empresarial adheriuse ao mesmo. O acto contou cun invitado de excepción, Joaquín Garralda, na sua calidade de secretario do pacto mundial da  ONU.

Este pacto mundial, unha iniciativa lanzada por Kofi Annan en 1999, é un instrumento de libre adhesión, e obriga ás entidades e empresas que o asinan a avanzar nas suas actividades no principio marcado por dez principios, entre os que destacan a protección dos dereitos humanos, a erradicación do traballo infantil, a loita contra a discriminación laboral e a corrupción, ou o respecto ambiental.

Coa nosa adhesión ao mesmo non estamos dicindo que as Pemes teñan un comportamento pouco social, senón o contrario: a Peme por esencia e definición non se entende sen a sua implicación na contorna socio económica na que desenvolve a sua actividade. A gran maioría manteñen un comportamiento ético, pero o gran problema é que non existía ata agora unha vía para trasladar á sociedade esa realidade, para diferenciar á gran maioría de empresas comprometidas con esa minoría que pode saltarse as regras do xogo na busca dun menor custo.