A Confederación Empresarial de Ourense (CEO) organiza a xornada “+Ciberseguridade”, enmarcada no Proxecto de Formación en Ciberseguridade para as Empresas Españolas, unha iniciativa orientada a mellorar a protección dixital do tecido empresarial.
Este programa está impulsado por CEOE, Fundación CEOE e o Instituto Nacional de Ciberseguridade (INCIBE) do Ministerio para a Transformación Dixital e da Función Pública, contando coa colaboración da Policía Nacional, Garda Civil e Fundación Hermes.
A xornada celebrarase o vindeiro luns, 13 de abril de 2026, ás 10:00 horas, na sede da CEO en Ourense.
Data: 13 de abril de 2026
Hora: 10:00 h
Lugar: Confederación Empresarial de Ourense · Praza das Damas, 1 – 32005 Ourense
Esta sesión ten como finalidade reforzar a seguridade dixital das empresas, especialmente das pemes, microempresas e persoas autónomas, a través de accións de formación, concienciación e sensibilización en materia de ciberseguridade.
Durante a xornada abordaranse cuestións prácticas relacionadas coa seguridade dixital no ámbito empresarial, facendo especial fincapé en:
– A prevención de riscos e ameazas dixitais
– As boas prácticas para protexer a información empresarial
– A seguridade dos sistemas e dos procesos internos
– Recomendacións aplicables ao día a día das empresas
Esta iniciativa representa unha oportunidade para que as empresas adquiran coñecementos clave e ferramentas útiles que lles permitan reforzar a súa protección fronte aos riscos dixitais e avanzar cara a unha contorna máis segura e resiliente.
