Comunicación

Conecta Ourense Rural axudará ás empresas a desenvolver todo o seu potencial 

  • Esta iniciativa nace dentro da Oficina Conecta Ourense da CEO para achegar todos os servizos ás empresas das contornas rurais da provincia 
  • O apoio da Xunta a través do Igape e a Axencia Galega de Innovación fai posible que esta colaboración conxunta se materialice na simplificación de moitos trámites 
  • A presentación de hoxe, na sede da Asociación de Empresarios do Polígono San Cibrao, contou coa presenza de representantes de toda as entidades promotoras deste proxecto
  • Impulsar o crecemento das empresas rurais e facilitarlles o acceso a información e axudas son algúns dos obxectivos desta iniciativa que ademais acompañará ás empresas en todo o recorrido 

Esta mañá, o evento de presentación de Conecta Ourense Rural puxo en valor a importancia da innovación, a dixitalización, internacionalización e a sostibilidade como eixos estratéxicos para impulsar o desenvolvemento das pequenas e medianas empresas rurais. A sede da Asociación de Empresarios do Polígono de San Cibrao acolleu este acto da iniciativa promovida pola Confederación Empresarial de Ourense co apoio da Xunta a través do Igape e Gain. 

Conecta Ourense Rural ten como obxectivo achegar ás empresas do rural os recursos, asesoramento e apoio necesarios para impulsar o seu crecemento e competitividade, ofrecéndolles o acceso a servizos en áreas clave e toda a información e acompañamento para facilitarlles o acceso a convocatorias públicas de axudas. 

Na inauguración da xornada participaron os máximos representantes das entidades empresariais, Marisol Nóvoa (CEO) e José Antonio Rodríguez (Polígono de San Cibrao), acompañados por  Patricia Fernández, directora da Área de Servizos da Axencia Galega de Innovación, e José Manuel Fernández, subdirector de Asesoramento Empresarial e Apoio da Oficina Económica de Galicia do Igape. José Antonio Rodríguez salientou a  importancia de conectar o rural coa cultura da innovación, ‘do que o polígono é un exemplo porque non deixamos de crecer apostando pola innovación, a sostibilidade e a dixitalizacion, e iniciativas como esta que acollemos hoxe favorecen que sigamos reforzando o noso tecido empresarial’. 

Marisol Nóvoa salientou de forma precisa na súa intervención os obxectivos cos que nace esta iniciativa enfocada ás pemes rurais nacida no seo da Oficina Conecta Ourense da CEO, ‘impulsar o crecemento das pemes do rural, facilitarlles o acceso a convocatorias públicas e crear espazos permanentes de colaboración e asesoramento’. Explicou, así mesmo, que esta presentación levarase a cabo por distintas comarcas e localidades da provincia para establecer máis adiante puntos estratéxicos de atención física e periódica nos que traballar de xeito máis próximo coas pemes usuarias deste servizo. Isto é, Conecta Ourense Rural estará presente para acompañar ás empresas que así o soliciten en todo o proceso desde a detección das súas necesidades e o seu potencial, ata a mellora da súa competitividade a través da implantación das solucións máis axeitadas, e tamén levará a cabo un seguimento da execución das axudas coas que se implanten esas solucións, así como a tramitación final e xustificación.  

Así mesmo, Marisol Nóvoa resaltou a colaboración con entidades como o Igape e a Axencia Galega de Innovación, indispensables para o éxito deste proxecto que persigue tamén como obxectivos a creación de riqueza, a fixación da poboación e o asentamento de novos servizos nestas áreas rurais. 

Conecta Ourense Rural, a carón das pemes 

A responsable da Oficina Conecta Ourense, María Fernández, explicou máis polo miúdo a metodoloxía que se pon en marcha con esta iniciativa, unha plataforma clave para fortalecer o tecido empresarial nas áreas rurais de Ourense. Ademais da presentación xa celebrada en Verín, están confirmadas para  as próximas semanas as respectivas no Barco de Valdeorras, Xinzo de Limia, Celanova, Allariz, Carballiño e Ribadavia para dar a coñecer este recurso empresarial. 

Nos espazos de traballo levaranse a cabo obradoiros para o impulso e a detección da innovación, a dixitalización e a sustentabilidade das pemes rurais; a través destes talleres formativos e casos de éxito de empresas locais, búscase promover a transformación dixital e a adopción de prácticas sostibles que aumenten a competitividade das empresas en sectores clave do medio rural. María Fernández destacou a necesidade de abordar estes retos desde un enfoque que non só mellore os produtos e procesos, senón que tamén transforme os modelos de negocio para garantir un futuro máis eficiente e sostible.   

Balance de Conecta Ourense e presentación da Oficina Económica de Galicia

A directora da Área de Servizos da Axencia Galega de Innovación, Patricia Fernández, realizou un balance da iniciativa Conecta Ourense da CEO resaltando o éxito acadado na atención ao tecido empresarial nos case tres anos que leva funcionando. Neste período, salientou a directiva, as empresas contactadas por Conecta Ourense ascenden a case 700, mentres que 274 solicitaron axudas á consellería de Economía e Industria, e 87 fixeron o propio coa Axencia Galega de Innovación, das que 46 obtiveron os apoios solicitados. 

Pola súa banda, José Manuel Fernández, subdirector de Asesoramento Empresarial e Apoio da Oficina Económica de Galicia do Igape, fixo a presentación deste organismo económico de recente creación, do que salientou a súa misión como como punto de referencia para facilitar e axilizar a creación e desenvolvemento de iniciativas empresariais en Galicia. A Oficina Económica de Galicia ofrece asesoramento individualizado, apoio para a implantación de empresas, acceso á financiamento e acompañamento na transformación dixital, innovación e sostibilidade, buscando desburocratizar e simplificar os trámites empresariais coa administración, actuando como xanela única para novas oportunidades. 

O evento de presentación rematou cun obradoiro práctico de asesoramento para guiar aos presentes na identificación dos retos das súa empresas, e a exploración desas solucións innovadoras que poidan optar ás axudas públicas. A consultora de Inova Carla Piñeiro foi a encargada de abordar a innovación, dixitalización ou sostibilidade como claves de futuro. O eixo da innovación enfócase na creación ou modificación significativa de produtos, servizos e procesos para xerar un valor diferencial. A dixitalización, pola súa banda, abordouna como un motor de cambio, promovendo a integración de novas tecnoloxías para optimizar as operacións e a xestión empresarial. Finalmente, a sostibilidade é como un compoñente esencial para asegurar a viabilidade a longo prazo, fomentando un uso responsable dos recursos e a implementación de prácticas respectuosas co medio ambiente.

Sabadell Gallego y la Confederación Empresarial de Ourense se alían para facilitar el crédito a la empresa ourensana

Sabadell Gallego y la Confederación Empresarial de Ourense (CEO) han firmado un convenio para poner en marcha una línea dirigida especialmente a financiar proyectos ourensanos de inversión con el objetivo de impulsar la actividad de empresas, negocios y autónomos de la región.

El acuerdo alcanzado por Sabadell Gallego y la CEO llega en un momento de gran trascendencia, pues resulta necesario para facilitar inversiones que refuercen la capacidad de las empresas y autónomos de Ourense en su adaptación al entorno de cambios y enorme volatilidad que se vive en la actualidad. Este convenio busca aportar liquidez y dar un paso adelante al financiar inversiones que apoyen la innovación e internacionalización de la empresa y que transformen la economía hacia la digitalización y la sostenibilidad.

En el acto de firma de esta mañana, el director general de Sabadell Gallego, Pablo Junceda, indicó que ‘se trata de cumplir con nuestra función de Banco cercano a las necesidades de nuestros clientes. En Sabadell Gallego somos líderes en Banca de Empresas y siempre hemos demostrado nuestro compromiso con los empresarios y la actividad económica de Galicia en general y de Ourense en particular’.

Por su parte, la presidente de la CEO Marisol Nóvoa, afirmó que el acuerdo se produce ‘en un momento crucial en el que la apertura a la liquidez es muy necesaria, y también porque se trata de financiación de proyectos e inversiones vinculados a los ejes fundamentales en los que la CEO lleva años trabajando: innovación, internacionalización, digitalización y sostenibilidad, lo que sin duda reforzará la capacidad y competitividad de nuestro tejido empresarial’.

Al acto de firma en la sede empresarial acudieron otros directivos de la entidad bancaria: Adolfo García-Ciaño, director institucional, Rafael Mato, director regional Galicia Sur, Eloy Álvarez, director O.P. Ourense y Fernando Vieiro, director Sabadell Professional Galicia. Igualmente, el tejido empresarial estuvo representado por los integrantes del equipo de gobierno de la CEO César Blanco -vicepresidente-, Olga Santos -vicepresidenta y representante del colectivo artesano-, Beatriz Gómez -vicepresidenta y sector comercio-David Martínez -tesorero y presidente de autónomos-, Luis Novoa -contador y presidente de la asociación de autoescuelas- y Jaime Pereira, secretario general de la entidad.

O programa Fase 0 guiou a empresas ourensás para implementar a intelixencia artificial en proxectos de innovación

  • O programa, que busca impulsar a innovación nas empresas ourensás, celebrou catro obradoiros prácticos nos que participaron 13 empresas
  • As pemes participantes pertencen a sectores que van desde a alimentación á formación, pasando por enerxía ou artes gráficas
  • Na sesión de peche, Marisol Nóvoa presidenta da CEO, aproveitou para dar a coñecer o seguinte proxecto de Conecta Ourense: unha oficina itinerante para atender ás pemes do rural
  • Norberto Penedo,  director de Competitividade do Igape, participou na mostra de resultados que foron expostos por Juan Sobejano, consultor tecnolóxico de Innolandia
  • Conecta Ourense asesorou este ano a 230 empresas, entre as que detectou 125 con potencial innovador

Ourense, 8 de outubro de 2024.- Coñecer as ferramentas de IA máis axeitadas para levar a cabo proxectos innovadores; identificar e valorar os problemas da peme; propoñer solucións para atopar a máis oportuna, e desenvolvela implementando un programa atendendo a costes e tempos. Estes foron os eixos dos tres obradoiros en liña e un presencial dos que constou o programa Fase 0 a IA aplicada a proxectos de innovación no que as empresas participantes foron recibindo as pautas e información para adaptalas á problemática de cada unha á hora de abordar a innovación.

Hoxe tivo lugar a última das sesións desta iniciativa, na que as 13 empresas participantes atoparon o xeito de aplicar a IA a procesos innovadores dentro da súa actividade en sectores variados como alimentación, beleza, moda, formación, artes gráficas, madeira, enerxía, xoiería, consultaría, turismo ou sostibilidade.  A xornada desta mañá, celebrada en formato presencial desde primeira hora, serviu para desenvolver un plan de traballo detallado e convincente para cada proxecto con todo o aprendido nas sesións  anteriores.

No peche da mesma, o titor Juan Sobejano amosou o avance das catro etapas das que constou o programa, e os seus resultados globais ata chegar á fase final de hoxe. Da súa intervención, así como do traballo desenvolvido, despréndense conclusións en positivo como a capacidade de calquera empresa para innovar, un recurso que non é exclusivo das grandes compañías; tamén defendeu o poder da IA para axudar nestes procesos, máis que para substituír,  e avogou pola cooperación público-privada para mobilizar recursos e iniciativas.

Balance dos datos de Conecta Ourense

Este proxecto, coma o resto de iniciativas no marco de Conecta Ourense, foi deseñado para favorecer a adaptación do tecido empresarial da provincia aos escenarios actuais, e máis concretamente, no caso de Fase 0, para guiar ás empresas a través dunha metodoloxía contrastada para resolver retos e atopar solucións diferentes ás existentes no mercado. Este proxecto da CEO, que conta co apoio da Xunta de Galicia, a través do Igape e de Gain, busca que as empresas provinciais non só se adapten aos recentes cambios do mercado, senón que tamén se convertan en referentes de innovación.

Neste sentido, a presidenta da CEO, Marisol Nóvoa, destacou no peche do programa que despois de case 3 anos de traxectoria de Conecta Ourense, ‘esta iniciativa superou as expectativas en canto a empresas atendidas e orientadas para que optimicen mellor as axudas, e para que focalicen o seu potencial e alcancen parámetros máis innovadores, modernos e sostibles na contorna económica actual’.  Nos datos que revelou Marisol Nóvoa de 2024, Conecta Ourense contactou con máis de 200 empresas que recibiron un total de 292 asesoramentos e 123 propostas a convocatorias públicas de Igape e Gain. As sesións, talleres e programas desenvolvidos por Conecta Ourense ao longo deste ano reuniron a máis de 400 participantes, e co programa rematado hoxe alcanza a cifra de quince xornadas. Conecta Ourense tamén creou grupos de traballo específicos para axudar ás empresas en todo o proceso de tramitación, execución y xustificación das axudas nas áreas de internacionalización, sostibilidade, dixitalización, competitividade e innovación.

Pola súa banda, Norberto Penedo, na súa intervención, destacou a importancia de que o tecido empresarial e a Administración vaian da man e, nesta liña, puxo en valor o papel que xoga a CEO no seu labor de apoio ás empresas ourensás. O responsable do Igape fixo fincapé en que a colaboración público-privada é imprescindible para afrontar os grandes proxectos que van permitir a transformación dixital e sostible do modelo económico, nun contexto como o actual, con moitos retos, pero tamén nun escenario con grandes oportunidades para as empresas galegas.

Conecta Ourense Rural Itinerante e o estudo da pegada de carbono, próximos proxectos

Conecta Ourense continúa coa posta en marcha de iniciativas, nesta ocasión para focalizar o apoio ás empresas nas contornas rurais e tamén para axudalas a medir a pegada de carbono na súa actividade. No primeiro caso, Conecta Ourense Rural Itinerante comeza hoxe mesmo coa presentación na comarca de Verín, para continuar percorrendo a provincia comarca a comarca. Os obxectivos que pretende esta oficina itinerante é impulsar o crecemento das pemes nas zonas rurais, facilitándolles o acceso a convocatorias públicas e crear espazos permanentes de colaboración e asesoramento. Co tempo, prevese cubrir toda a xeografía ourensá e establecer visitas de xeito periódico para que as empresas do rural poidan acceder a servizos en áreas clave de desenvolvemento  como innovación, dixitalización, internacionalización e sostibilidade.

E a finais deste mes de outubro porase en marcha un novo desafío de Conecta Ourense, esta vez centrado na pegada de carbono, para o que se desenvolverá tamén un ciclo de catro sesións de traballo coas empresas ourensás que estean interesadas en dar este paso cara a unha actividade máis sostible.

Reconocimiento a la presidenta de la CEO en la Gala Anual de la Asociación Provincial de Empresarios de Autoescuelas de Ourense

El pasado viernes, la Asociación Provincial de Empresarios de Autoescuelas de Ourense celebró su tradicional gala anual en O Barco de Valdeorras, en la que se rindió homenaje a la presidenta de la Confederación Empresarial de Ourense (CEO), Dña. Marisol Novoa Rodríguez, en reconocimiento a su sobresaliente trayectoria profesional y su liderazgo al frente de nuestra entidad.

Este reconocimiento pone de manifiesto el firme compromiso y la dedicación de Dña. Marisol Novoa con el tejido empresarial de la provincia, destacando su constante labor en la defensa de los intereses de nuestras empresas asociadas. Su gestión ha sido un ejemplo de entrega y responsabilidad, fortaleciendo el papel de la CEO como referente en el ámbito empresarial.

Desde la Confederación Empresarial de Ourense, agradecemos profundamente este significativo homenaje, que no solo refleja el esfuerzo de nuestra presidenta, sino también el de todos aquellos que, día a día, contribuyen al desarrollo y fortalecimiento del tejido empresarial ourensano.

A Oficina Conecta Ourense inicia o proxecto Fase 0 cunha exitosa primeira sesión en liña

O programa, que busca impulsar a innovación nas empresas ourensás, arranca cunha sesión explicativa sobre o seu contido e as ferramentas básicas de IA 


Ourense, 19 de setembro de 2024 || Esta mañá tivo lugar a primeira sesión en liña do proxecto Fase 0, impulsado por la Oficina Conecta Ourense de la Confederación Empresarial de Ourense. A súa responsable, María Fernández, presentou a xornada que contou coa benvida do director de área de Competitividade do Igape, Norberto Penedo. Juan Sobejano, profesor e consultor certificado, explicou que é a intelixencia artificial xenerativa, e guiou aos participantes no seu coñecemento a través de exercicios prácticas.

A primeira sesión do proxecto Fase 0 aborda o uso da IA na innovación

Este proxecto, deseñado para fomentar as ideas innovadoras entre as empresas e emprendementos de Ourense, comezou hoxe o seu percorrido coa primeira de catro sesións formativas en liña. Esta primeira xornada foi presentada por María Fernández, responsable da Oficina Conecta Ourense, que deu paso á benvida institucional do director da área de Competitividade do Igape, Norberto Penedo, quen destacou «a importancia da IA non só na xeración de ideas innovadoras, senón tamén na execución dos propios proxectos» e reafirmou «o compromiso do Igape e da Confederación Empresarial de Ourense con este tipo de iniciativas». A continuación, Juan Sobejano encargouse de explicar as particularidades da IA na innovación, e de propoñer e avaliar exercicios prácticos.

Un programa pensado para impulsar o tecido empresarial ourensán

Fase 0 é un programa deseñado especificamente para as empresas da provincia de Ourense que desexen iniciar ou acelerar algún proxecto innovador. A través deste, os participantes poderán acceder a ferramentas e metodoloxías innovadoras que lles permitirán detectar oportunidades no ámbito da innovación, tanto a nivel nacional como internacional.

O proxecto, que conta co apoio da Confederación Empresarial de Ourense e da Xunta de Galicia, a través do Igape e da Axencia Galega de Innovación, busca que as empresas provinciais non só se adapten aos recentes cambios do mercado, senón que tamén se convertan en referentes de innovación. Entre os beneficios que se poden destacar, e que se resaltaron durante a sesión, está a capacidade de detectar tendencias emerxentes e novas oportunidades de negocio a través do uso da IA, o cal permite ás empresas optimizar o seu tempo e recursos. Ademais, estas ferramentas facilitarán a identificación de socios estratéxicos e a entrada en programas de financiamento que, doutro xeito, serían difíciles de coñecer.

Tras o exitoso comezo do proxecto, terán lugar as seguintes sesións: 

  • 25/09/2024 – Taller de Problema con IA. Neste obradoiro en liña, os participantes identificarán temáticas sobre as que innovar. Como? Atopando problemas e retos, definindo ao cliente desa innovación e os seus puntos de dor.
  • 02/10/2024 – Taller de Xeración de Solucións con IA. Neste obradoiro en liña, explicaranse técnicas avanzadas para xerar e seleccionar solucións innovadoras coa IA.
  • 08/10/2024 – Taller de Propostas con IA. Neste obradoiro presencial, de catro horas de duración, os participantes desenvolverán un plan de traballo detallado e convincente para o seu proxecto.

A CEO acolleu o arranque de Ultreia Galicia, evento para impulsar o emprendemento e a xeración de riqueza en todo o territorio galego

  • O evento de hoxe estivo organizado pola CEO en colaboración coa Deputación Provincial de Ourense e promovido pola Xunta de Galicia
  • O obxectivo principal é impulsar o emprendemento galego e a innovación a través deste evento creando sinerxías e atopando solucións conxuntas co apoio da innovación, facendo fincapé tamén no retorno e na remuda de negocios como os comerciais a través da Rede de polos de emprendemento
  • José González, conselleiro de Emprego, Comercio e Emigración; Marisol Nóvoa, presidenta da CEO e Marta Nóvoa, vicepresidenta da Deputación, foron os encargados da inauguración de hoxe
  • A presentación de Ultreia terá continuidade nas entidades empresariais de Lugo, Pontevedra e A Coruña na vindeira semana

Ourense, 18 de setembro do 2024 || A CEO acolleu hoxe a inauguración do primeiro evento celebrado no marco do programa  “Ultreia Galicia Rexión Emprendedora, retos e solucións para un territorio intelixente”. Esta iniciativa, que está financiada pola Unión Europea a través do Plan de Recuperación, Transformación e Resiliencia, conta a nivel galego coa implicación de 240 axentes do ecosistema emprendedor, máis de 160 startups, 40 empresas tractoras e a exposición de 16 casos de éxito. Hoxe deu comezo a primeira xornada que contou con dous bloques diferenciados celebrados simultaneamente: o Campus Startups, na sede da CEO, e as mesas de traballo Retos e Solucións para un territorio intelixente, no Centro Cultural Marcos Valcárcel. 

O conselleiro de Emprego, Comercio e Emigración, a presidenta da CEO, Marisol Nóvoa e a vicepresidenta da Deputación de Ourense, Marta Nóvoa, realizaron a apertura do primeiro dos encontros do programa Ultreia Galicia Rexión Emprendedora, retos e solucións para un territorio intelixente, financiado pola Unión Europea, a través do Plan de Recuperación, Transformación e Resiliencia. Marisol Nóvoa deu a benvida a autoridades e público destacando a sintonía do obxectivo do encontro co papel fundamental da CEO desde o seu nacemento: o impulso do ecosistema empresarial; e facendo fincapé na ‘importancia da  colaboración público-privada no éxito de iniciativas como a de hoxe para xerar un entorno propicio para o emprendemento no que as ideas poidan transformarse en empresas que perduren’.  

Pola súa banda, a vicepresidenta da Deputación de Ourense, entidade colaboradora do evento, salientou o compromiso do organismo provincial co emprendemento a través de distintas iniciativas como EmprendOU, Reactiva Ourense ou Acelera Pyme, e defendeu por parte das administracións a implantación de ‘políticas públicas que propicien o desenvolvemento empresarial nos nosos territorios e, polo tanto, que contribúan á xeración de riqueza e creación de emprego’. 

Na súa intervención, o conselleiro salientou que  ‘Ultreia nace co obxectivo de incentivar ás persoas e entidades emprendedoras a acadar o propósito de impulsar o seu camiño, xerando sinerxías e identificando retos con solucións conxuntas’ igualmente, José González fixo fincapé en que a convocatoria deste proxecto está aberta a todos os emprendementos innovadores con visión de futuro que procuren proxección, mentorización e financiamento. 

Campus Startups e mesas de traballo para un territorio intelixente

A xornada dividiuse en dous bloques de contido que se desenvolveron simultaneamente entre a sede da CEO e o Centro Cultural Marcos Valcárcel. Un deles foi o Campus Startups no que se pretendía identificar e mapear as empresas de recente creación e outras iniciativas emprendedoras innovadoras co fin de darlles soporte para a busca de financiamento. Trala conferencia inicial de Domènec Biosca, recoñecido consultor empresarial considerado como un dos xestores turísticos máis prestixiosos de España, sucedéronse na sede da CEO as presentacións dos proxectos entre os que o xurado seleccionará aos finalistas que participarán -xunto cos escollidos nas outras provincias-, no Foro de Investimento Ultreia Galicia organizado pola CEG. Neste apartado tamén houbo tempo para coñecer casos de éxito nos eidos dixital e industrial, así como no rural e no turismo, sector vitivinícola e gastronómico da man dos responsables de Redegal -Jorge Vázquez-, Formato Verde -Marcos Jorge-, Bodegas Valdavia -Alberto Úbeda- e Piel Natura -Juan Carlos Pastor-. 
 
No transcurso da xornada tamén se falou de innovación e da posibilidade de diversificar investindo en startups, abordouse a Rede de polos de emprendemento e apoio ao emprego e o Plan Remuda, habilitado no seu seo para evitar que pechen negocios rendibles e vertebradores do territorio, así como da Estratexia Retorna para impulsar -entre outros- o emprendemento protagonizado polos galegos do exterior que volven para establecerse na Comunidade. 

O programa previsto no centro Marcos Valcárcel desenvolveuse en formato de mesas redondas para abordar os Retos e solucións para un territorio intelixente. Os obxectivos destas sesións eran identificar os sectores estratéxicos da provincia e os seus retos, abordar as súas cuestións clave, determinar as empresas tractoras de cada un deles e mapear os axentes do ecosistema empresarial da provincia implicados no se desenvolvemento. Esta parte contou con seis mesas nas que empresas ourensás debateron sobre os retos que teñen por diante os sectores agroalimentario; téxtil, termal e turístico; pizarra, granito e madeira, industria da automoción e auxiliares e por último, o da tecnoloxía, ciberseguridade e intelixencia artificial. 

O programa Ultreia Galicia está ideado para contribuir a reforzar a actividade da Rede de polos de emprendemento e apoio ao emprego e o mapa de emprendemento da Xunta -medidas que levaron a Galicia a obter por parte da Unión Europea o recoñecemento de Rexión Emprenderora Europea- así como a dinamizar as startups galegas co obxectivo primordial de dinamizar e de vertebrar o conxunto do territorio, ao tempo que se fixa poboación especialmente nas contornas rurais. 

Na vindeira semana, as demais confederacións empresariais celebrarán a réplica provincial deste evento, que e culminará nun último encontro a nivel galego co obxecto de que proxectos innovadores consigan financiamento. Os días 24, 25 e 26 de setembro será o turno de A Coruña, Pontevedra e Lugo respectivamente, mentres que o evento final terá lugar en Santiago nunha data por determinar. 

Na clausura do evento de hoxe participou a directora xeral de Traballo Autónomo e Economía Social, Marta Mariño, acompañada de Marisol Nóvoa, presidenta da CEO, quen salientou o bo inicio deste proxecto e agradeceu a tódolos participantes a súa achega e colaboración para avanzar no ecosistema emprendedor ourensán. 

Impulsando la colaboración para el futuro de Ourense

Este martes 10 de septiembre, en la sede de la Confederación Empresarial de Ourense, la presidenta de la institución, Marisol Novoa se reunió con la responsable de Programas Ejecutivos de la Universidad Intercontinental de la Empresa (UIE), Marta Fernández, y el coordinador de Desarrollo Competitivo de la misma entidad, Andrés Armada, para explorar nuevas vías de colaboración entre estas dos instituciones clave y Abanca. El encuentro tuvo como objetivo principal planificar una estrategia conjunta que permita dinamizar la economía y fortalecer el tejido empresarial de Ourense, abordando desafíos y oportunidades en diversos ámbitos.

Durante la reunión, se discutieron posibles líneas de actuación centradas en la sostenibilidad, la formación y el apoyo a sectores estratégicos de la provincia. Se destacó la importancia de unir esfuerzos para desarrollar proyectos que impulsen la innovación y la competitividad de las empresas y emprendimientos provinciales, facilitando su adaptación a los retos actuales y futuros.

Ourense inaugura o ciclo de eventos ULTREIA GALICIA, para dinamizar o emprendemento e promover a innovación

Ourense, 6 de setembro do 2024 || A Confederación Empresarial de Ourense, en colaboración coas homólogas entidades de Lugo, Pontevedra e A Coruña, e coa promoción da Xunta de Galicia, presenta o programa “Ultreia Galicia Rexión Emprendedora, retos e solucións para un territorio intelixente”, financiado pola Unión Europea, a través do Plan de Recuperación, Transformación e Resiliencia. Dito programa, ten como obxectivo principal impulsar o emprendemento galego e fomentar a innovación, a través dunha serie de eventos que se celebrarán en catro cidades galegas, culminando nun evento final a nivel da comunidade. O primeiro evento terá lugar en Ourense, o mércores 18 de setembro, na sede da CEO e no Centro Cultural Marcos Valcárcel. 

Os detalles deste proxecto abordáronse esta semana nun encontro entre o conselleiro de Emprego, Comercio e Emigración, José González, e os presidentes das confederacións de Ourense, Marisol Novoa; A Coruña, Antonio Fontenla; Pontevedra, Jorge Cebreiros, e Lugo, Jaime Luis López. Na xuntanza tamén estiveron o secretario xeral de Emprego e Relacións Laborais, Pablo Fernández, e o presidente da Confederación de Empresarios de Galicia, Juan Manuel Vieites.  

Esta iniciativa, que conta coa implicación de 240 axentes do ecosistema emprendedor, máis de 160 startups, 40 empresas tractoras e a exposición de 16 casos de éxito, comeza na cidade de Ourense o mércores 18 de setembro, a través do desenvolvemento de dous eventos simultáneos: o Campus Startups, que se celebrará na sede da CEO, e Retos e Solucións para un territorio intelixente, no Centro Cultural Marcos Valcárcel. 

Co Campus Startups procúrase identificar e mapear as empresas de recente creación e outras iniciativas emprendedoras innovadoras e dar soporte aos proxectos para a busca de financiamento, entre outros fins, a través de conferencias, networking, presentacións de casos de éxito, mesas redondas e unha competición de iniciativas emprendedoras.

No bloque de Retos e solucións para un territorio intelixente, o obxectivo é identificar os sectores estratéxicos da provincia e os seus retos, así como ás empresas tractoras destes sectores estratéxicos e mapear os axentes do ecosistema da provincia. Para iso, levaranse a cabo mesas de traballo nas que se abordarán as cuestións clave de diferentes sectores.

Despois do evento inaugural en Ourense, terá lugar o da Coruña o 24 de setembro, seguido do de Pontevedra, que será o 25 de setembro, e o de Lugo, programado para o 26 de setembro.

O programa Ultreia Galicia contribuirá a reforzar a actividade da Rede de polos de emprendemento e apoio ao emprego e o mapa de emprendemento da Xunta -medidas que levaron a Galicia a obter por parte da Unión Europea o recoñecemento de Rexión Emprenderora Europea- así como a dinamizar as startups galegas. Forma parte da aposta do Goberno galego pola creación de novos negocios e o desenvolvemento de proxectos innovadores que fomenten o emprego de calidade e que favorezan a dinamización e vertebración do territorio. 

A Xunta avanza coa Confederación Empresarial de Ourense no reforzo do tecido produtivo da provincia garantindo a remuda e a captación de talento

  • En compañía do director xeral de Comercio e Consumo, José González tratou cos representantes empresariais cuestións como o programa Retorna Cualifica Emprego, o Bono Remuda ou as microformacións adaptadas ás necesidades das empresas 
  • Así, falouse de atraer á provincia de Ourense os emigrantes ou os seus descendentes, de impulsar a remuda xeracional á fronte dos negocios e de organizar formación para o emprego ad hoc como a aprobada no último Consello da Xunta 
  • En concreto, cun orzamento de 4 M€, deuse o visto bo a unha convocatoria pioneira destinada especificamente ao financiamento de accións formativas a demanda do tecido produtivo galego e dirixidas a persoas traballadoras ocupadas

Ourense, 19 de agosto do 2024 || O conselleiro de Emprego, Comercio e Emigración, José González, acompañado do director xeral de Comercio e Consumo, Gabriel Alén, mantivo un encontro co equipo de goberno da Confederación Empresarial de Ourense (CEO) encabezado pola súa presidenta, Marisol Nóvoa, co fin de avanzar no reforzo do tecido produtivo da provincia. Así, abordaron cuestións como o interese en atraer de volta aos galegos residentes no exterior ou aos seus descendentes, a prioritaria remuda xeracional á fronte dos negocios e as microformacións para o emprego adaptadas ás necesidades das empresas. 

Con respecto á captación de talento entre os galegos no exterior, na reunión falouse das vantaxes do programa Retorna Cualifica Emprego, ao que se lle está a dar un pulo da man -precisamente- das empresas para ofrecer traballos de calidade en orixe que promovan o retorno ao tempo que dan resposta á necesidade de persoal cualificado en certos sectores. Así, recalcouse que o programa proporciona formación para o emprego ás persoas retornadas, ademais de axudas para viaxar e establecerse en Galicia. 

Nesa liña, sinalouse que boa parte dos novos empresarios da Comunidade tamén veñen de fóra, constatándose que arredor do 20% das persoas atendidas na Rede de polos de emprendemento son retornadas ou estranxeiras, atraídas polas condicións de vida en Galicia. 

O conselleiro e o director xeral tamén abordaron cos representantes da CEO o Plan Remuda habilitado no seo dos Polos de emprendemento e apoio ao emprego, para garantir a continuidade dos negocios especialmente no rural, e que se está a apoiar cunha orde de axudas (o Bono Remuda) que conta cun orzamento de 1,5 millóns de euros para que as persoas interesadas en facerse cargo de empresas viables que vaian pechar poidan sufragar parte dos gastos que van afrontar. Engadiron que o prazo de solicitude desta convocatoria está aberto deica o 30 de outubro.  

Microformacións
  Na xuntanza tratouse tamén a necesidade de seguir fomentando o deseño de microformacións adaptadas ás necesidades das empresas, para dar resposta aos perfís profesionais que precisan. Nesa liña, cómpre mencionar a convocatoria pioneira aprobada no último Consello da Xunta que, cun orzamento de 4 millóns de euros, financiará accións formativas a demanda do tecido produtivo galego e dirixidas a persoas traballadoras ocupadas. 

Deste xeito, a Consellería de Emprego, Comercio e Emigración dálle con esta orde un novo pulo á súa aposta polas experiencias curtas de aprendizaxe, xa que ademais de incentivar a obtención de certificados profesionais (grao C), contempla tamén de xeito decisivo as formacións de curta duración (grao B, certificados de competencia) e as microformacións (grao A, acreditación parcial de competencia) co obxectivo de  garantir -sen rixidez e de xeito áxil e inmediato- a adquisición de novos coñecementos requiridos hoxe polas empresas galegas. Isto permitirá reforzar a capacitación dos traballadores, fomentando o seu crecemento profesional, e cubrir os perfís relacionados coas competencias e habilidades máis demandadas polo tecido empresarial.

A maiores, lembrouse que a convocatoria deste ano cun importe de 8 millóns de euros para que as empresas galegas poidan cualificar máis de 3.000 persoas desempregadas con unidades formativas continúa aberta, con prazo de solicitude vixente ata o próximo 30 de setembro. É unha iniciativa coa que se axuda ás empresas a impartir a súa propia cualificación sempre que se comprometan a contratar a polo menos un 40% do alumnado que participe na acción formativa. 

Así mesmo, ata o 16 de setembro poden solicitarse os Bonos Talento Empresa cun importe de 2 millóns de euros, co obxectivo de ofrecer formacións non regradas de curta duración, adaptadas ás necesidades específicas do tecido empresarial, para reforzar as competencias e habilidades dos traballadores.

Ao remate da reunión, a presidenta da CEO Marisol Nóvoa, manifestou o agradecemento ao conselleiro pola súa implicación e poder abordar en sintonía ‘temas clave para favorecer o dinamismo económico de Ourense, e desenvolver políticas para a creación de emprego e de formación, e que permitan tamén a revitalización do comercio e apuntalar a competitividade, a internacionalización e a innovación das empresas ourensás’.

Conecta Ourense aborda o movemento B Corp e a Avaliación de Impacto B para o tecido empresarial

  • Eduardo Seisdedos , experto en sostibilidade da consultora Cuatrotercios, explicou o  movemento B Corp e a Avaliación de Impacto B
  • Tamén houbo opción para coñecer as axudas do Igape en materia ASG, explicadas por Eladio Otero, subdirector de competitividade empresarial do organismo   
  • As empresas puideron coñecer a ferramenta para avaliar o seu impacto e tamén os negocios que xorden actualmente ao redor da sostibilidade

Ourense, 10 de xullo 2024 || A iniciativa Conecta Ourense da CEO, que conta co apoio da Xunta, levou a cabo unha xornadas para falar da implantación de boas prácticas sostibles nas empresas, así como do movemento B Corp e a ferramenta de avaliación de Impacto B. Con case dúas décadas de existencia este movemento xorde nos Estados Unidos para redefinir o éxito dos negocios, pasando do enfoque exclusivo en rendibilidade económica á creación de valor para empregados, clientes, provedores, a comunidade e, sobre todo, o medio ambiente. Existen ferramentas para medir os impactos empresariais que contribúen ao benestar das persoas e ao coidado do planeta e para coñecelas e utilizalas serviu esta xornada da CEO centrada neste movemento internacional. 

Eduardo Seisdedos, experto en Sostibilidade Estratéxica Empresarial da consultora Cuatrotercios        da consultora, repartiu o contido da sesión enfocando tres obxectivos: coñecer esta certificación B Corp e o seu proceso, facilitar a realización do cuestionario de autoavaliación coa ferramenta BIA (B Impact Assessment) co fin de medir o impacto e identificar áreas de mellora, e compartir tanto boas prácticas como modelos de negocio sostibles. 

Na primeira parte da sesión, Seisdedos falou da certificación como Empresa B Corp, outorgada por B Lab tras a revisión dunha avaliación integral dos seus parámetros de sostibilidade. En primeiro lugar, realízase unha revisión detallada de cada unha das cinco áreas máis relevantes da empresa: goberno, traballadores, clientes, comunidade e medio ambiente. Esta análise ten como obxectivo axudar a identificar todos os posibles puntos de mellora e oportunidades para ser un axente de cambio na economía, protexendo a misión e potenciando o triplo impacto (social, ambiental e económico). Para iso, B Corp conta cunha ferramenta propia chamada Avaliación de Impacto B, que pode usarse como unha guía para avaliar e coñecer o propio estado en que se atopa unha empresa e en que grao cumpre ou non os estándares.  O relator expuxo tamén os contidos e xeito de utilizar esta ferramenta para que as empresas conectadas puideran facer a autoavaliación do impacto social e ambiental das súas actividades. 

Esta ferramenta ofrece tamén a oportunidade de facer as avaliacións de xeito comparativo con outras industrias, de aprender utilizando as mellores prácticas e de ir establecendo metas para mellorar o impacto de forma continua. 

Axudas do Igape para accións ASG

Na segunda parte deste obradoiro interveu tamén Eladio Otero, subdirector de Competitividade Empresarial do Igape, quen explicou as axudas ASG nacidas no marco da Estratexia Galega de Economía Circular, e que se desenvolven en concorrencia non competitiva cun orzamento de 1 millón de euros. O prazo de presentación de solicitudes está aberto ata o 15 de setembro, e están destinadas a pemes e persoas autónomas que poden presentar proxectos individuais ou colectivos englobados en 18 obxectivos pertencentes aos ámbitos globais, ambientais, sociais ou de gobernanza. Otero tamén lembrou o Programa Re Acciona que o Igape mantén aberto para ofrecer ás pemes servizos de alto co apoio de expertos en ámbitos como o desenvolvemento estratéxico, a mellora da xestión financeira, ou a optimización dos procesos de produción.
 

A continuación, Eduardo Seisdedos centrou o resto da xornada online na presentación de arquetipos de modelos de negocio sostibles, vinculados con boas prácticas na forma na que a empresa crea e captura valor, a actividade que desenvolve, e como e quen a desenvolve. Explicou que as normas sociais, a gobernanza mundial e o crecemento socioeconómico actual están a impulsar a busca dun futuro sostible a través de empresas que sexan ambientalmente rexenerativas, socialmente xustas e economicamente inclusivas. 
 

Na súa intervención fixo un repaso das empresas e prácticas que hoxe en día están emprazando ao medio ambiente e a sostibilidade no centro ou como obxectivo da súa actividade, e os modelos de negocio que esta dirección pode crear, sobre todo promovendo consumos sostibles, a xeración de mercados de segunda mano; as plataformas que promoven circuítos curtos de distribución achegando os produtores locais aos consumidores finais, as aplicacións para evitar o desperdicio de alimentos, ou as empresas sociais que contribúen tamén coa cota de inclusión.  Seisdedos tamén fixo alusión á enorme capacidade da tecnoloxía asociada á sostibilidade, e aos retos actuais que supoñen  disciplinas como blockchain ou a intelixencia artificial para minimizar os impactos.